QPL: «Elimaı» «Qyzyljardy» qatarynan eki ret jeńdi
ASTANA. KAZINFORM — Qazaqstan Premer-lıgasynda HVІ týrynda semeılik «Elimaı» syrt alańda Petropavldyń «Qyzyljaryn» qapy qaldyrdy.
Bir aptadaı buryn olar óz alańynda atalǵan qaryslasynan 2:0 esebimen basym túsken edi. Odan buryn el birinshiliginde qatarynan eki márte jeńilistiń aşy dámin tatqan edi.
Kezdesý barysynda komandalar tartysty oıyn ótkizdi. Dese de birinshi kezeńde tablodaǵy esepke ózgeris engen joq.
Ekinshi kezeńde jasyl alańǵa shyqqan Roman Murtazaev 70-mınýtta óz múmkindigin múlt jibergen joq.
Osylaısha «Elimaı» qarsylasyn 1:0 esebimen tize búktirip, týrnır kestesinde 26 upaımen úzdik úshtikke jaqyndaı tústi.
Aıta ketsek, budan buryn óskemendik «Altaı» óz alańynda «Tobyl» (Qostanaı) komandasyn 1:0 esebimen jeńdi.
Al keshe, 3 shildede elordalyq «Astana» óz alańynda sol qalanyń taǵy bir ókili «Jeńisti» 1:0 esebimen qapy qaldyrdy.
Endi 5 shildede «Atyraý» — «Kaspıı» (Aqtaý), «Aqtóbe» — «Jetisý» (Taldyqorǵan), «Qaısar» (Qyzylorda) — «Ertis» (Pavlodar), «Ordabasy» (Shymkent) — «Ulytaý» (Jezqazǵan) jasyl alańǵa shyǵady.
Bul týrdaǵy aldyn-ala 27 maýsymda ótkizilgen oıynda kókshetaýlyq «Oqjetpes» óz alańynda «Qaıratqa» 1:3 esebimen ese jiberdi.
