QPL: «Elimaı» elordada sońǵy mınýtta «Jeńisten» basym tústi

ASTANA. KAZINFORM — Búgin fýtboldan Premer-lıga komandalary arasyndaǵy Qazaqstan chempıonatynyń besinshi týryn elordalyq «Jeńis» pen semeılik «Elimaı» túıindedi.

Elordalyq «Jeńis» búgingi kezdesý barysynda jaqsy oıyn kórsetýge tyrysty. Múmkindiginshe qarsylasyn qapy qaldyryp, alǵashqy úsh upaıyna qol jetkizýge kúsh saldy. Buǵan deıin tórt márte teń túsken olar toqsan mınýt boıy qarsylasyna laıyqty tótep bere bildi. Komandalar bir-biriinń qaqpasynan sańylaý taba alǵan joq. 

Semeılik klýb sapynan Samıýel Odeoıbo 91-mınýtta jeńis golyn soǵyp ketti. Osylaısha «Elimaı» qarsylasynan 1:0 esebimen basym túsip, týrnır kestesindegi jaǵdaıyn jaqsartyp, besinshi orynǵa kóterildi.

Búgin «Qaısar» men «Qaırat» 0:0, «Turan» men «Astana» 1:1 esebimen teń oınady. 

Al 19 sáýirde «Ulytaý» «Oqjetpeske» 0:1, «Atyraý» «Qyzyljarǵa» 1:2 esebimen ese jiberse, «Tobyl» «Aqtóbeni» 3:0, «Ordabasy» «Jetisýdy» 1:0 esebimen tize búktirgen edi.

Endi altynshy týr oıyndary 26 jáne 27 sáýir kúnderine belgilengen.