QPL: «Elimaı» alty týrdan keıin jeńiske jetti

Semeılik komanda alty oıyn boıy úsh upaıǵa qol jetkize almaı keldi. Olar úsh márte teń túsip, úsh márte jeńilistiń aşy dámin tatty. Saldarynan týrnır kestesindegi jaǵdaıyn qıyndatyp aldy. 

Semeıliik fýtbolshylar búgin óz alańynda astanalyq «Jeńisti» qabyldaǵan edi. Oıyn barysynda olardyń qatarynan Roman Murtazaev 20-mınýtta esep ashsa, odan keıin 48-mınýtta elordalyq komandadan Islambek Qýat tarazy basyn teńestirip ketti. 

Kezdesýdiń 80-mınýtynda «Elimaı» sapynan Fessý Plakka oıynnyń núktesin qoıdy. 
Osylaısha olar qarsylasyn 2:1 esebimen tize búktirip, týrnır kestesinde 17 upaımen altynshy orynǵa kóterildi.

Sondaı-aq búgin «Jetisý» (Taldyqorǵan) — «Atyraý» 0:0 esebine qanaǵat bildirdi.
Dál qazir «Qaırat» (Almaty) — «Qaısar» (Qyzylorda), «Aqtóbe» — «Qyzyljar» (Petropavl) kezdesýi ótip jatyr.

Bul týrdy saǵat 20:00–de «Tobyl» (Qostanaı) — «Ordabasy» (Shymkent) oıyny túıindeıdi.

Aıta ketsek, 22 mamyrda ótken oıyndarda elordalyq «Astana» Jezqazǵannyń «Ulytaýyn» 3:0, Kókshetaýdyń «Oqjetpesi» Óskemenniń «Altaıyn» 1:0 esebimen jeńse, «Kaspıı» (Aqtaý) — «Ertis» (Pavlodar) 2:2 esebine qanaǵat bildirdi.