QPL: «Elimaı» alǵashqy jeńisin toılady

ASTANA. KAZINFORM - Fýtboldan Qazaqstan Premer-lıgasynyń ekinshi týrynda «Elimaı» qyzylordalyq «Qaısardy» jeńdi. 

Qazaqstandyq jankúıerler qyzylordalyq klýbtyń árbir oıynyna qyzyǵýshylyq tanytyp otyr. Óıtkeni, bıyl atalǵan komanda tek qazaqstandyq fýtbolshylarǵa senim artýdy jón dep tapqan. 
Esesine bıyl bas júldege qol sozýǵa talpynǵan «Elimaı» qataryna sheteldik jáne otandyq oıynshylardy qosty.

Birinshi kezeńde komandalar bir-biriniń qaqpas mańynda jıi shabýyl uıymdastyrdy. Soǵan qaramastan qarsylastar gol soǵa alǵan joq.

Ekinshi kezeńde semeılik klýbtyń basymdyǵy baıqalyp turdy. Osyndaı sátterdiń birinde 62-mınýtta «Elimaı» sapynan Roman Týgarev mergendik tanytty. Al 89-mınýtta semeılik klýbtan Fessý Plakka qorytyndy esepti belgiledi. Osylaısha «Elimaı» qarsylasynan 2:0 esebimen basym túsip, týrnır kestesinde besinshi orynǵa turaqtady. 

Sondaı-aq alǵashqy oıyn kúni «Oqjetpes» «Atyraýdan», «Aqtóbe» «Turannan» 2:1, «Qaırat» «Ordabasydan» 4:0 esebimen basym tússe, «Jeńis» «Tobyl», «Jetisý» men «Ulytaý» 0:0 esebine qanaǵat bildirdi.

Atalǵan týrdy búgin, 9 naýryzda saǵat 19:00–de «Qyzyljar» (Astana) men «Astana» kezdeýi túıindeıdi.

Al úshinshi týr oıyndary 29 jáne 30 naýryz kúnderine belgilengen.