QPL: Dop dodasy 30 qarashada aıaqtalady
NUR-SULTAN. QazAqparat - Qazaqstannyń kásipqoı fýtbol lıgasy Premer-lıga oıyndarynyń qashan aıaqtalatynyn jarııalady , dep habarlaıdy QazAqparat tilshisi.
Alda Premer-lıga komandalary arasyndaǵy Qazaqstan chempıonatynyń tórt týry qaldy. Dop dodasynda 8-21 qarasha aralyǵynda el quramasynyń Ulttar lıgasy oıyndaryna qatysýyna baılanysty azdaǵan úzilis bolady.
Qazaqstan chempıonatynda 19-týr oıyndary 21 qarashada jalǵasady. Odan keıingi týrlardyń oıyny 24, 27, 30 qarasha kúnderi ótkiziledi.
Keshe, 7 qarashada 18-týr bastalyp, «Qaısar» men «Qaırat» komandalary teń tústi . Búgin taǵy da úsh kezdesý ótkiziledi.
Týrnır kestesinde 45 upaımen «Qaırat» komandasy kósh bastap tur. Odan keıingi oryndarda «Tobyl» jáne «Ordabasy» komandalary keledi.
