QPL: Dastan Sátpaevtyń goly taǵy da «Qaıratqa» jeńis ákeldi

ASTANA. KAZINFORM - Fýtboldan Premer-lıga komandalary arasyndaǵy Qazaqstan chempıonatynyń aldyn-ala ótkizilgen 16-týrynda almatylyq «Qaırat» «Atyraýdy» oısyrata jeńdi.

Eki komandanyń ózara kelisimi boıynsha atalǵan oıyn merziminen buryn ótkizildi. Bul almatylyq klýbtyń jaz mezgilinde eýrokýbok oıyndaryna qatysýyna baılanysty qabyldandy. 

Aıta ketsek, 6 sáýirde Atyraýda eki komanda taǵy bir márte kezdesip, ol joly «Qaırat» 4:1 esebimen tize búktirgen edi.

Búgingi kezdesý barysynda almatylyq komanda oıyn tizginin óz qolynda ustap, kóbirek shabýylǵa ıek artty. Nátıjesinde oıynnyń 1-mınýtynda Dastan Sátpaev mergendigimen kózge tústi. Nebári 16 jastaǵy fýtbolshy bıylǵy dop dodasyn sátte bastady. Qazirdiń ózinde bes oıynda tórt márte gol soǵyp, surmergender kóshinde aldyńǵy orynda keledi.

Oıyn barysynda odan keıin Erkin Tapalov 6, Aleksandr Martynovıch 50, Jorjıno 58-mınýtta mergendigimen kózge tústi.

Osylaısha «Qaırat» qarsylasynan 4:0 esebimen basym túsip, týrnır kestesinde 13 upaımen jeke-dara kósh basyna shyqty.

Endi besinshi týr oıyndary 19 jáne 20 sáýir kúnderi ótkiziledi.