QPL: Dastan Sátpaev «Qaırat» sapynda dýbl jasap, komandasyn jeńiske jeteledi

ASTANA. KAZINFORM - Fýtboldan Premer-lıga komandalary arasyndaǵy Qazaqstan chempıonatynyń tórtinshi týrynda jergilikti «Atyraý»  men almatylyq «Qaırat» komandasy kezdesti. 

Alǵashqy kezeńde qarsylastar bir-biriniń qaqpasynan sańylaý taba alǵan joq. Esesine ekinshi kezeń bastalǵan sátte oıyn tizginin almatylyq klýb qolǵa ustady. 

Qazaqstannyń jas juldyzy Dastan Sátpaev bul oıynda sheberligimen kózge tústi. Aldymen 51-mınýtta gol soqsa, odan keıin 54-mınýtta basymdyqty arttyra tústi. 

Jas shabýylshy bıylǵy maýsymda úsh gol soǵyp úlgerdi. Surmergender kóshinde ekinshi orynda keledi. Aldynda tórt golmen «Astana» oıynshysy Marın Tomasov tur.

«Atyraý» sapynan 57-mınýtta Tsvetelın Chýnchýkov esip aıyrmasyn qysqartsa, odan keıin almatylyq klýbtan ıÝg Stanoev 71, Jorjıno 79-mınýtta taǵy eki gol soqty. Osylaısha «Qaırat» qarsylasynan 4:1 esebimen basym túsip, týrnır kestesinde on upaımen kósh basyna shyqty.

Atalǵan týrdaǵy taǵy bir kezdesýde «Aqtóbe» óz alańynda qyzylordalyq «Qaısardan» dál sondaı eseppen basym tústi.

Al 5 sáýirde «Astana» komandasy «Ordabasyny» 2:1, «Turan» «Qyzyljardy» 3:2, «Tobyl» «Oqjetpesti» 1:0 esebimen tize búktirse, taldyqorǵandyq «Jetisý» men astanalyq «Jeńis» 0:0 esebine qanaǵat bildirdi. 

Dál qazir «Elimaı» (Semeı) men «Ulytaý» (Jezqazǵan) kezdesýiniń birinshi kezeńi aıaqtaldy. Ázirge semeılik klýb 1:0 esebimen alda keledi.