QPL: Danıel Sosanyń jalǵyz goly «Aqtóbege» úsh upaı syılady

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HHІV-týrynyń alǵashqy oıyn kúni ótti.

Alǵashqy oıyn kúnindegi úshinshi kezdesýde «Aqtóbe» men «Qyzyljar» (Petropavl) sheberlik baıqasty.

Aqtóbelik klýb bıyl birinshilikti sátti bastǵan edi. Degenmen odan keıin kóp oıynda jankúıer kóńilinen tabyla alǵan joq. Saldarynan týrnır kestesinde jaǵdaıyn qıyndatyp aldy. Úzdik úshtikke qol jetkizý múmkńindigin joǵaltyp aldy. Soǵan qaramastan búgingi oıynda olar jınaqy qımyl kórsetýge tyrysty.

Oıyn barysynda aqtóbelik fýtbolshylar qarsylas komandaǵa jıi shabýyl jasady. Nátıjesinde olardyń qatarynda Danıel Sosa 8-mınýtta esep ashty. 

Aıta ketsek, alǵashqy oıyn kúninde Jezqazǵannyń «Ulytaýyn» óz alańynda «Atyraýǵa» 1:5 esebimen ese jiberse, astanalyq «Jeńis» Túrkistannyń «Turanyn» 6:3 esebimen jeńdi.

Endi 28 qyrkúıekte «Oqjetpes» (Kókshetaý) pen «Astana», «Elimaı» (Semeı) men «Ordabasy» (Shymkent), «Tobyl» (Qostanaı) men «Qaısar» (Qyzylorda) sheberlik baıqasady.
Sondaı-aq 5 qazanda 16:00-de «Qaırat» (Almaty) pen «Jetisý» (Taldyqorǵan) oınaıdy.