QPL: Búgin el birinshiliginde jetinshi týr oıyndary bastalady

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń jetinshi týry bastalady.

Altynshy týr eki kúnge belgilengen. Búgin tórt oıyn ótkizilse, erteńge úsh kezdesý belgilengen.
Atalǵan týrdyń shymyldyǵyn búgin, 3 mamyrda 15.00-de «Jeńis» (Astana) pen «Aqtóbe», «Ulytaý» (Jezqazǵan) men «Qaırat» (Almaty) komandalary ashady.

Osy kúni 16.00-de «Atyraý» men «Ordabasy» (Shymkent) sheberlik baıqasady.

Al 19.00-de «Turan» (Túrkistan) men «Jetisý» (Taldyqorǵan) kezdesedi.

Sondaı-aq 4 mamyrda 17.00-de «Qaısar» (Qyzylorda) men «Astana» oınasa, 18.00-de «Elimaı» (Semeı) men «Oqjetpes» (Kókshetaý), 19.00-de «Tobyl» (Qostanaı) men «Qyzyljar» (Petropavl) sheberlik baıqasady.

Qazir týrnır kestesinde 17 upaımen «Qaırat» pen «Astana» kósh bastap tur. Al odan keıingi oryndardaǵy «Elimaı» men «Aqtóbeniń» 13 upaıy bar.

Oıyndardy «Qazsport» jáne «Sport Plus Qazaqstan» telearnalary tikeleı efırde kórsetedi.

Eske salsaq, budan buryn fýtboldan Birinshi lıgada «Kaspıı» kósh basyna shyqty.