QPL: Búgin el birinshiliginde úshinshi týr oıyndary ótedi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń úshinshi týry bastalady.

Úshinshi týr 29 jáne 30 naýryz kúnderine belgilengen. 29 naýryzda eki oıyn ótkizilse, 30 naýryzǵa bes kezdesý belgilengen.

Dop dodasynyń shymyldyǵyn búgin, 29 naýryzda 15.00-de kókshetaýlyq «Qaısar» (Qyzylorda) men «Oqjetpes» (Kókshetaý) komandalary ashady.

Osy kúni 16.00-de «Turan» (Túrkistan) men «Qaırat» (Almaty) sheberlik baıqasady.

Al 30 naýryzda 15.00-de «Atyraý» men «Aqtóbe» jasyl alańǵa shyqsa, «Astana» men «Jetisý» (Taldyqorǵan), «Ulytaý» (Jezqazǵan) men «Jeńis» (Astana) kezdesýi saǵat 18:00-ge belgilengen.

Sonlaı-aq 17:00-de «Ordabasy» (Shymkent) men «Qyzyljar» (Petropavl), 18:00-de «Tobyl» (Qostanaı) men «Elimaı» (Semeı) sheberlik baıqasady.

Oıyndardy «Qazsport» jáne «Sport Plus Qazaqstan» telearnalary tikeleı efırde kórsetedi.

Eske salsaq, fýtzaldan Qazaqstannyń 19 jasqa deıingi jastar quramasy 2025 jylǵy Eýropa chempıonatynyń irikteý kezeńindegi alǵashqy oıynynda Frantsııaǵaese jiberdi.