QPL: Búgin el birinshiliginde ekinshi týr oıyndary ótedi

ASTANA. KAZINFORM - Búgin fýtboldan Premer-lıga komandalary arasyndaǵy Qazaqstan chempıonatynyń ekinshi týry bastalady.

Ekinshi týr 8 jáne 9 naýryz kúnderine belgilengen. 8 naýryzda tórt oıyn ótkizilse, 9 naýryzǵa úsh kezdesý belgilengen.

Dop dodasynyń shymyldyǵyn búgin, 8 naýryzda 15.00-de kókshetaýlyq «Oqjetpes» men «Atyraý» komandalary ashady.

Osy kúni 16.00-de «Jeńis» (Astana) men «Tobyl» (Qostanaı), «Jetisý» (Taldyqorǵan) men «Ulytaý» (Jezqazǵan) oınaıdy.

Atalǵan týrdaǵy basty oıynnyń biri - «Qaırat» (Almaty) pen «Ordabasy» (Shymkent) kezdesýi saǵat 18:00-ge belgilengen.

Jylma-jyl el birinshiliginde júldeli oryndarǵa talasyp júrgen qos klýb bıyl qalaı oıyn kórsetedi? Match barysynda sony baǵamdaı alamyz.

Al 9 naýryzda 15:00-de «Aqtóbe» men «Turan» (Túrkistan), 17:00-de «Elimaı» (Semeı) men «Qaısar» (Qyzylorda), 19:00-de «Qyzyljar» (Astana) men «Astana» sheberlik baıqasady.

Oıyndardy «Qazsport» jáne «Sport Plus Qazaqstan» telearnalary tikeleı efırde kórsetedi.

Eske salsaq, budan buryn «Astana» men «Qaırat» alǵashqy týrda teń tarqasty.