QPL: Búgin el birinshiliginde altynshy týr oıyndary bastalady

ASTANA. KAZINFORM — Búgin fýtboldan Premer-lıga komandalary arasyndaǵy Qazaqstan chempıonatynyń altynshy týry bastalady.

Altynshy týr eki kúnge belgilengen. Búgin tórt oıyn ótkizilse, erteńge úsh kezdesý belgilengen.
Atalǵan týrdyń shymyldyǵyn búgin, 26 sáýirde 15.00-de kókshetaýlyq «Oqjetpes» (Kókshetaý) pen «Jeńis» (Astana) komandalary ashady.

Osy kúni 17.00-de «Jetisý» (Taldyqorǵan) men «Elimaı» (Semeı) sheberlik baıqasady.

Al 19.00-de «Aqtóbe» men «Ulytaý» (Jezqazǵan), «Astana» men «Atyraý» kezdesedi.

Sondaı-aq 20 cáýirde 15.00-de «Qyzyljar» (Petropavl) men «Qaısar» (Qyzylorda) oınasa, 16.00-de «Ordabasy» (Shymkent) men «Turan» (Túrkistan), 17.00-de «Qaırat» (Almaty) pen «Tobyl» (Qostanaı) sheberlik baıqasady.

Qazir týrnır kestesinde 14 upaımen «Qaırat» kósh bastap tur. Al odan keıingi oryndardaǵy «Astana» men «Tobyldyń» 11 upaıy bar.

Oıyndardy «Qazsport» jáne «Sport Plus Qazaqstan» telearnalary tikeleı efırde kórsetedi.

Eske salsaq, fýtboldan Birinshi lıgada «Shahter» komandasy úshinshi jeńisine jetti.