QPL: Bes oıynda 15 gol soǵyldy
ASTANA. QazAqparat - Búgin elimizde fýtboldan Premer-lıga komandalary arasyndaǵy el birinshiliginiń 27-týr oıyndary bolyp ótti, dep habarlaıdy QazAqparat tilshisi.
Biz buǵan deıin eki oıyn nátıjesin habarlaǵan edik. Qyzylordada «Qaısar» Qaraǵandynyń «Shahterinen» 2:1, Taldyqorǵanda «Jetisý» Almatynyń «Qaıratynan» 1:0 esebimen basym tústi.
Odan keıin taǵy úsh oıyn máresine jetti. «Atyraý» óz alańynda Petropavldyń «Qyzyljaryn» 3:2 esebimen tize búktirdi. Bul kezdesýde «Atyraý» sapynan ıÝrıı Pertsýh 11-mınýtta gol soqsa, qonaqtar qatarynan Mıroslav Lechıch 28-mınýtta tarazy basyn teńestirdi. Al atyraýlyq Marat Haırýllın 55-mınýtta penaltıden gol soqsa, 70-mınýtta «Qyzyljar» oıynshysy Shota Grıgalashvıllı esepti taǵy teńestirdi. Jeńis goly 88-mınýtta soǵyldy. Ol «Atyraý» oıynshysy Alekseı Rodınovtyń enshisine jazyldy.
Pavlodardyń «Ertisi» el birinshiliginde 10 oıyn boıy jeńiske jete almaı kelgen edi. Búgin olar sol olqylyqtyń ornyn toltyryp, óz jankúıerlerine qýanysh syılady. «Ertis» Shymkentte «Ordabasy» klýbyn 2:0 esebimen súrindirdi. Pavlodardyq klýb sapynan Ýgol Seký 36-mınýtta gol soqsa, Pavel Shabalın 81-mınýtta qorytyndy esepti belgiledi. Esep 2:0. «Ertis» jeńiske jetti.
Al «Aqtóbe» óz alańynda Qostanaıdyń «Tobylyn» qabyldady. Atalmysh kezdesýde tobyldyq Baýyrjan Turysbek 54-mınýtta esep ashty. Odan keıin 59-mınýtta «Aqtóbe» oıynshysy Markos Pızzellı esep ashsa, Sasha Marıanovıch 79-mınýtta óz komandasyn alǵa shyǵardy. Qorytyndy esep 93-mınýtta belgili boldy. Bul joly taǵy da Markos Pızzelı bir goldyń avtory atandy.
Osy týrdaǵy bir oıyn 23 qyrkúıekte ótkiziledi. Oraldyń «Aqjaıyǵy» óz alańynda elordanyń «Astana» klýbyn qabyldaıdy.
