QPL: «Barys» búgin elodada «Sıbır» komandasyna ese jiberdi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizdi.
Qurlyqtyq hokkeı lıgasy turaqty chempıonatynda «Barys» 13 oıynnan keıin 16 upaımen onynshy orynda tursa, «Sıbır» 14 oıynnan keıin 11 upaımen on toǵyzynshy orynǵa jaıǵasqan edi.
Kezdesý barysynda alǵashqy eki kezeńde qazaqstandyq klýb eki shaıba soqsa, oǵan reseılik komanda bir golmen jaýap qaıyrdy.
Úshinshi kezeńde reseılik ujym eki shaıba soǵyp ketti.
«Barys» (Astana, Qazaqstan) - «Sıbır» (Novosibir, Reseı) 2:3 (2:1, 0:0, 0:2)
0:1 - Nıkýlın (Bek, Dıts) - 11:38 GB
1:1 - Morellı (Deı, Massı) - 13:24
2:1 - Savıtskıı (Beılı, Danııar Sm.) - 18:09
2:2 - Bek (Dıts, Nıkýlın) - 50:58 GB
2:3 - Tıýtnev (Orlov, Nıkýlın) - 55:36
Qaqpashylar: Shepard - Berdın.
Osylaısha qazaqstandyq komanda qarsylasyna 2:3 esebimen ese jiberdi.
Eki komanda arasyndaǵy sońǵy bes oıynnyń bireýinde elordalyq klýb jeńiske jetti.
Qazaqstandyq komanda budan keıin bir oıynyn elordada ótkizip, 14 qazanda Reseıdiń «Avtomobılıst» (Ekaterınbýrg) klýbymen sheberlik baıqasady.
Odan keıin qazaqstandyq komanda qatarynan toǵyz kezdesýdi syrt aıdynda ótkizedi.
https://kaz.inform.kz/news/kpl-baris-bugn-elodada-sibir-komandasimen-kezdesed-372e7e96
