QPL: «Barys» búgin elodada «Sıbır» komandasymen kezdesedi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 12 qazanda elordada Reseıdiń «Sıbır» (Novosibir) komandasyna qarsy ótkizedi.
Kezdesý Qazaqstan ýaqytymen 19:30–da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 13 oıynnan keıin 16 upaımen onynshy orynda tursa, «Sıbır» 14 oıynnan keıin 11 upaımen on toǵyzynshy orynǵa jaıǵasqan.
Elordalyq komanda sońǵy alty oıynnyń úsheýinde qatarynan jeńiske jetse, reseılik klýb alty kezdesýdiń ekeýinde ǵana qarsylastaryn qapy qaldyrdy.
Eki komanda arasyndaǵy sońǵy bes oıynnyń bireýinde elordalyq klýb jeńiske jetti.
Qazaqstandyq komanda budan keıin bir oıynyn elordada ótkizip, 14 qazanda Reseıdiń «Avtomobılıst» (Ekaterınbýrg) klýbymen sheberlik baıqasady.
Odan keıin qazaqstandyq komanda qatarynan toǵyz kezdesýdi syrt aıdynda ótkizedi.
Eske salsaq, budan buryn elordalyq klýb «Barys» elordada «Avangardtan» basym tústi.
