QPL: «Atyraý» tórt aıdan keıin jeńiske jetti

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń HVII týrynda  «Atyraý» komandasy 17 oıynnan keıin jeńiske jetti.

Atyraýlyq komanda bıylǵy birinshilikti sátsiz ótkizip keledi. Qazir týrnır kestesinde HVII týrdan keıin nebári 5 upaı jınap, sońǵy oryndy turǵan edi. Sondyqtan olarǵa búgingi kezdesýde jeńiske jetý mańyzdy boldy.

Kezdesý barysynda «Atyraý» sapynan 18-mınýtta ıAn Trýfanov soqqan jalǵyz goly V. Jýkovskıı jattyqtyratyn komandaǵa jeńis alyp keldi. Osylaısha «Atyraý» qarsylasynan 1:0 esebimen basym tústi. Osylaısha «munaıshylar» tórt aıdan keıin jeńiske jetti.

Atalǵan týrda búgin, 20 shildede endi «Aqtóbe» men «Tobyl» (Qostanaı), «Jetisý» (Taldyqorǵan) men «Ordabasy» (Shymkent) kim myqtyny anyqtaıdy.

Al 19 shildede semeılik «Elimaı» elordalyq «Jeńiske» 1:2 esebimen jeńilse, «Qaırat» (Almaty) pen «Qaısar» (Qyzylorda) 1:1 esebimen teń tústi. Taǵy bir kezdesýde kókshetaýlyq «Oqjetpes» komandasy Jezqazǵannyń «Ulytaýyn» 1:0 esebimen jeńdi.

Bul týrda 18 shildede ótken oıynda «Astana» óz alańynda Túrkistannyń «Turanyn» 7:0 esebimen tize búktirdi.