QPL: «Atyraý» segiz oıynǵa sozylǵan sátsizdik serııasyn toqtatty
ASTANA. KAZINFORM — Búgin fýtboldan Qazaqstan Premer-lıgasy HHV týrynyń alǵashqy oıyn kúni máresine jetti.
Bul kúngi oıyndardy «Qyzyljar» (Petropavl) — «Atyraý» komandalary túıindedi.
Týrnır kestesinde petropavldyq ujymnyń jaǵdaıy táýir desek bolady. Esesine atyraýlyq komanda birinshi lıgaǵa túsip qalý qaýipti aımaǵynda tur. Sol sebepti búgin olar jeńiske jetý kiltin izdeıdi. Sońǵy eki matchta atyraýlyq klýb qatarynan qarsylastaryna ese jiberip qoıdy. Kezdesý barysynda atyraýlyq klýbtan Rılıvan Rabıý 87-mınýtta soqqan goly óz komandasyna jeńis alyp keldi.
Osylaısha «Atyraý» qarsylasyn 1:0 esebimen qapy qaldyryp, týrnır kestesinde 23 upaımen on birinshi orynǵa kóterildi. Olar segiz oıynǵa sozylǵan sátsizdik serııasyn toqtatty.
Aıta ketsek, budan buryn «Aqtóbe» óz alańynda Astananyń «Jeńisinen», taldyqorǵandyq «Jetisý» Pavlodardyń «Ertisinen» 1:0 esebimen basym tústi.
Sondaı-aq búgin syrt alańda almatylyq «Qaırat» Aqtaýdyń «Kaspııin» 3:0 esebimen jeńse, «Ordabasy» Kókshetaýdyń «Oqjetpesine» 1:2 esebimen ese jiberdi.
https://kaz.inform.kz/news/kpl-okzhetpes-ordabasini-on-zhildan-keyn-zhend-13019f77
Al 6 qyrkúıekte «Altaı» (Óskemen) — «Qaısar» (Qyzylorda), «Astana» — «Elimaı» (Semeı), «Tobyl» (Qostanaı) — «Ulytaý» (Jezqazǵan) oınaıdy.
