QPL: «Atyraý» sáttilik serııasyn jalǵastyra ala ma

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HH týry bastalady.

Búgin, 9 tamyzda saǵat 17:00-de «Oqjetpes» (Kókshetaý) pen «Jetisý» (Taldyqorǵan), «Ulytaý» (Jezqazǵan) men «Qyzyljar» (Petropavl) sheberlik baıqasady,

Al «Atyraý» men «Turan» (Túrkistan) jasyl alańǵa shyǵady.

Jankúıerler atalǵan kezdesýge qyzyǵýshylyq tanytyp otyr. Kósh sońynda kele jatqan qos komandanyń qaısysy jeńimpaz atana alady? Sońǵy eki oıynda tórt upaı oljalaǵan atyraýlyq klýb sol sáttilik serııasyn jalǵastyra ma?

Sondaı-aq 10 tamyzda 18:00-de «Elimaı» (Semeı) men «Aqtóbe», 20:00-de «Qaısar» (Qyzylorda) men «Ordabasy» (Shymkent) oınaıdy.

Atalǵan týrdaǵy «Tobyl» (Qostanaı) men «Astana» kezdesýi 19 qyrkúıekke shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr.

Aldyn ala ótkizilgen oıynda elordalyq «Jeńis» Almatynyń «Qaıratyna» 1:2 esebimen jol berdi.

Aıta ketsek, qazir kósh basynda 43 upaımen «Qaırat» komandacy keledi. Odan keıingi oryndardaǵy «Astananyń» 40, «Tobyldyń» 38 upaıy bar.

Surmergender kóshinde Nazmı Grıpshı («Astana») men Dáýren Jumat («Oqjetpes») 9 golmen kósh bastap tursa, odan keıingi oryndardaǵy Dastan Sátpaev («Qaırat») pen Marın Tomasov («Astana») 8 gol soǵyp úlgerdi.

Eske salsaq, budan buryn fýtboldan Birinshi lıgada «Shahter» «Ekibastuzdy» iri eseppen jeńdi.