QPL: «Atyraý» óz alańynda «Elimaıǵa» ese jiberdi
ASTANA. KAZINFORM - Búgin fýtboldan Qazaqstan Premer-lıgasynyń keıinge qaldyrylǵan HVІІІ týryndaǵy «Atyraý» - «Elimaı» (Semeı) kezdesýiniń nátıjesi belgili boldy.
Atyraýlyq komanda Premer-lıgada ornyn saqtap qalý josparyn áli tolyq oryndaı alǵan joq. Semeılik komanda bıylǵy birinshilikti bestikte aıaqtaýǵa kúsh salyp keledi.
Kezdesý barysynda komandalar alǵashqy mınýttan tartysty oıyn órbitti. Nátıjesinde semeılik klýbtan 39-mınýtta Arsen Áshirbek óz múmkindigin múlt jibergen joq.
Oıynnyń 85-mınýtynda «Atyraý» sapynan Dorde Pantelıch tarazy basyn teńestirse, 87-mınýtta «Elimaıdyń» jartylaı qorǵaýshysy Jan-Alı Paırýz qorytyndy esepti belgiledi.
Osylaısha semeılik komanda 2:1 esebimen jeńip, týrnır kestesinde úzdik bestikke jaqyndaı tústi.
Aıta ketsek, budan buryn keıinge qaldyrylǵan HVІІІ týrdyń oıynynda «Ertis» (Pavlodar) óz alańynda «Astanaǵa» 0:1 esebimen ese jiberdi.
Endi keıinge qaldyrylǵan HHІІІ týr oıyndary 17 jáne 18 qazan kúnderi ótkiziledi. Aldymen 17 qazanda «Oqjetpes» (Kókshetaý) - «Qyzyljar» (Petropavl), «Jetisý» (Taldyqorǵan) - «Qaısar» (Qyzylorda), «Tobyl» (Qostanaı) - «Jeńis» (Astana), «Aqtóbe» - «Ordabasy» (Shymkent) kezdesedi. Odan keıin 18 qazanda «Altaı» (Óskemen) - «Atyraý», «Elimaı» (Semeı) - «Ulytaý» (Jezqazǵan), «Astana» - «Kaspıı» (Aqtaý) komandalary oınaıdy.
