QPL: «Atyraý» men «Jetisý» teń nátıjege qanaǵat bildirdi
ASTANA. KAZINFORM - Fýtboldan Qazaqstan Premer-lıgasynyń HH týrynda «Atyraý» - «Jetisý» (Taldyqorǵan) komandalary sheberlik baıqasty.
Týrnır kestesesinde eki komandanyń da jaǵdaıy qıyndap tur. Ekeýi de qatarynan tórt márte jeńiliske ushyrady. Qos komandanyń da jeńiske jetýine múmkindik bar edi.
Sondyqtan jankúıerler olardan tartysty oıyn kútti.
Kezdesý barysynda 24-mınýtta «Atyraý» kapıtany Qýanysh Qalmuratov penaltıden esep ashsa, 50-mınýtta «Jetisý» sapynan Shoqan Abzalov tarazy basyn teńestirdi.
Osylaısha komandalar 1:1 esebine qanaǵat bildirdi.
Aıta ketsek, pavlodarlyq «Ertis» Aqtaýdyń «Kaspııinen» 3:2, petropavldyq «Qyzyljar» «Aqtóbeden» 3:1 esebimen basym tústi.
Al 2 tamyzda «Oqjetpes» (Kókshetaý) - «Altaı» (Óskemen), «Ulytaý» (Jezqazǵan) - «Astana», «Jeńis» (Astana) - «Elimaı» (Semeı), «Ordabasy» (Shymkent) - «Tobyl» (Qostanaı) jasyl alańǵa shyǵady.
Bul týrdaǵy aldyn ala 5 tamyrda ótkizilgen «Qaısar» (Qyzylorda) - «Qaırat» (Almaty) kezdesýinde ońtústik astanalyq komanda syrt alańda 2:1 esebimen jeńiske jetken edi.
