QPL: «Atyraý» men «Turan» teń tarqasty

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HH týrynda «Atyraý» men «Turan» teń tarqasty.

Eki komanda bıylǵy birinshilikti sátsiz ótkizip keledi. Saldarynan ekeýi de týrnır kestesinde kósh sońynda tur. Jeńgen komanda jaǵdaıyn jaqsarta túsetin edi.

Kezdesý barysynda túrkistandyq klýbtan Abylaıhan Nazymhanov 58-mınýtta esep ashsa, oǵan atyraýlyq klýbtan Konstantın Dorofeev 85-mınýtta bir golmen jaýap qaıyrdy.

Osylaısha komandalar 1:1 esebine qanaǵat bildirdi.

Aıta ketsek, 9 tamyzda kókshetaýlyq «Oqjetpes» bul joly óz alańynda Taldyqorǵannyń «Jetisý» klýbyna 1:2 esebimen jol berse, «Ulytaý» (Jezqazǵan) men «Qyzyljar» (Petropavl) 1:1 esebine qanaǵat bildirdi.

Sondaı-aq 10 tamyzda 18:00–de «Elimaı» (Semeı) men «Aqtóbe», 20:00–de «Qaısar» (Qyzylorda) men «Ordabasy» (Shymkent) oınaıdy.

Atalǵan týrdaǵy «Tobyl» (Qostanaı) men «Astana» kezdesýi 19 qyrkúıekke shegerildi. Bul sheshim elordalyq klýbtyń eýrokýbok oıyndaryna qatysýyna baılanysty qabyldanyp otyr.

Aldyn ala ótkizilgen oıynda elordalyq «Jeńis» Almatynyń «Qaıratyna» 1:2 esebimen jol berdi.