QPL: «Atyraý» komandasy «Ulytaýdy» iri eseppen jeńdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HHІV-týryndaǵy alǵashqy oıynnyń nátıjesi belgili boldy.

Bul týrdyń shymyldyǵyn «Ulytaý» (Jezqazǵan) men «Atyraý» komandalary ashty. Bıylǵy birinshilikti sátsiz bastaǵan atyraýlyq klýb atalǵan oıynda jeńiske jetýge bar kúshin saldy. Munaıly qalanyń komandasy buǵan deıin alty týr boıy eki márte jeńiske jetip, qalǵanynda teń oınaǵan. Osylaısha týrnır kestesindegi jaǵdaıyn birshama jaqsartyp alǵan bolatyn. Bul joly da Jýkovskıı jattyqtyratyn komanda fýtbolshylary aıanyp qalmady. 

Alaıda alań ıeleri kezdesýdiń 15-mınýtynda óz qaqpalaryna gol ótkizip aldy.  Jezqazǵandyq klýb sapynan Demııat Slambekov kózge tústi. Birinshi taımda «Atyraý» klýbynyń aıaqdopshylary esepti teńestire almady. Esesine ekinshi taımda 5 gol soǵyp, senimdi túrde jeńiske jetti. Alań qojaıyndarynan Konstantın Dorofeev 63, 80, ıAn Trýfanov 67, Rýslan ıÝdenkov 80, Lýka Zgýrskıı 84-mınýtta mergendik tanytty. 

Osylaısha qarsylasynan 5:1 esebimen basym túsken «Atyraý»týrnır kestesinde 13-orynǵa kóterildi. Nátıjesinde ázirge Premer-lıgadaǵy ornyn saqtap qalýǵa múmkindik týyp otyr. Endi olar 18 qazanda óz alańynda «Jeńisti» qabyldasa, 26 qazanda syrt alańda «Elimaımen» oınaıdy. 

Atalǵan týrda búgin «Jeńis» (Astana) pen «Turan» (Túrkistan), «Aqtóbe» men «Qyzyljar» (Petropavl) jasyl alańǵa shyǵady.

Al, 28 qyrkúıekte «Oqjetpes» (Kókshetaý) pen «Astana», «Elimaı» (Semeı) men «Ordabasy» (Shymkent), «Tobyl» (Qostanaı) men «Qaısar» (Qyzylorda) sheberlik baıqasady.

Sondaı-aq 5 qazanda «Qaırat» (Almaty) pen «Jetisý» (Taldyqorǵan) oınaıdy.