QPL: «Atyraý» elordada «Jeńisti» qapy qaldyrdy
ASTANA. KAZINFORM - Búgin fýtboldan Qazaqstan Premer-lıgasy HHVІ týrynyń birinshi oıyn kúni máresine jetti.
Bul kúngi oıyndardy (Astana) - «Atyraý» kezdesýi túıindedi.
Týrnır kestesinde tómengi orynnyń birinde turǵan atyraýlyq klýb alǵashqy mınýttan shabýylǵa ıek artty. Oıynnyń 40-mınýtynda olardyń qatarynan Djordje Maksımovıch esep ashsa, 45-mınýtta ol taǵy bir márte mergendigimen kózge tústi.
Ekinshi kezeńde elordalyq klýbtan Andrııa Fılıpovıch 78-mınýtta esep aıyrmasyn qysqartty.
Osylaısha «Atyraý» qarsylasyn 2:1 esebimen qapy qaldyryp, týrnır kestesinde 12-orynǵa kóterildi.
Sondaı-aq «Elimaı» (Semeı) óz alańynda «Aqtóbege» 1:3, Pavlodardyń «Ertisi» Petropavldyń «Qyzyljaryna» 0:2 esebimen ese jiberse, Qostanaıdyń «Tobyly» elordalyq «Astanadan» 2::1, almatylyq «Qaırat» Taldyqorǵannyń «Jetisýynan» 1:0 esebimen basym tústi.
Al 11 qazan 15:00-de «Ulytaý» (Jezqazǵan) - «Oqjetpes» (Kókshetaý), 16:00-de «Kaspıı» (Aqtaý) - «Altaı» (Óskemen), 19:00-de «Qaısar» (Qyzylorda) - «Ordabasy» (Shymkent) oınaıdy.
Fýtboldan Qazaqstan chempıonatynyń sońǵy týry 31 qazan kúni ótkiziledi.
