QPL: «Astana» úzdik úshtikke jaqyndaı tústi
ASTANA. KAZINFORM - Qazaqstan Premer-lıgasynda HVІ týrdaǵy «Astana» - «Jeńis» (Astana) kezdesýiniń nátıjesi belgili boldy.
Elordalyq qos komanda arasyndaǵy oıyn jankúıerler qyzyǵýshylyǵyn týǵyzdy. Ótken aptada bolǵan alǵashqy aınalymnyń sońǵy týrynda olar teń nátıjege qanaǵat bildirgen edi.
Kezdesý barysynda komandalar tartysty oıyn ótkizdi. Bir-biriniń qaqpasyna jıi shabýyl uıymdastyrdy. Soǵan qaramastan oıyn taǵdyryn 40-mınýtta soǵylǵan jalǵyz gol sheshti.
Ony elordalyq klýbtyń jas fýtbolshysy Maqsat Abraev óziniń enshisine jazdy. Ol bıylǵy dop dodasynda barlyǵy 16 oıyn ótkizip, 3 gol soǵyp úlgerdi.
Osylaısha «Astana» qarsylasynan 1:0 esebimen basym túsip, týrnır kestesinde 26 upaımen tórtinshi orynǵa kóterildi.
Bul týrdaǵy alty oıyn 4 jáne 5 shilde kúnderi ótkiziledi.
Oıyndar kestesi
4 shilde
- 17:00. «Altaı» - «Tobyl»
- 18:00. «Qyzyljar» - «Elimaı»
5 shilde
- 19:00. «Atyraý» - «Kaspıı»
- 19:00. «Aqtóbe» - «Jetisý»
- 20:00. «Qaısar» - «Ertis»
- 20:00. «Ordabasy» - «Ulytaý».
Bul týrdaǵy aldyn-ala 27 maýsymda ótkizilgen oıynda kókshetaýlyq «Oqjetpes» óz alańynda «Qaıratqa» 1:3 eesbimen ese jiberdi.
