QPL: «Astana» úshinshi orynǵa kóterildi
ASTANA. KAZINFORM - Fýtboldan Qazaqstan Premer-lıgasyn HHІ týrynda elordalyq «Astana» óz alańynda kókshetaýlyq «Oqjetpesten» basym tústi.
Eki komanda qazir týrnır kestesinde úzdik úshtikke iligýge múmkindigi bar. Sondyqtan bul kezdesý tartysty ótetini anyq edi.
Oıynnyń 20-mınýtynda «Oqjetpes» sapynan Borıs Lototskıı óz komandasyn alǵa shyǵardy. Odan keıin «Astana» qatarynan Karlo Bartolets 27-mınýtta tarazy basyn teńestirse, 40-mınýtta Marın Tomasov qorytyndy esepti belgiledi.
Osylaısha elordalyq klýb qarsylasynan 2:1 esebimen basym túsip, 38 upaımen úshinshi orynǵa taban tiredi.
Aıta ketsek, buǵan deıin 8 tamyzda «Altaı» (Óskemen) - «Qyzyljar» (Petropavl) 2:2, «Kaspıı» (Aqtaý) - «Ulytaý» (Jezqazǵan) 1:1 esebimen teń tússe, taldyqorǵandyq «Altaı» Shymkenttiń «Ordabasy» klýbyna 0:4 esebimen ese jiberdi.
Sondaı-aq búgin «Elimaı» (Semeı) - «Ertis» (Pavlodar), 20:00-de «Atyraý» - «Aqtóbe» kezdesýi óitp jatyr.
Sondaı-aq bul týrdaǵy «Tobyl» (Qostanaı) - «Qaısar» (Qyzylorda), «Qaırat» (Almaty) - «Jeńis» (Astana) kezdesýi belgisiz merzimge keıinge qaldyryldy.
