QPL: «Astana» syrt alańda «Ulytaýdy» jeńdi

ASTANA. KAZINFORM — Elordalyq «Astana» fýtboldan Premer-lıga komandalary arasyndaǵy Qazaqstan chempıonaty 9-týrynda syrt alańda jezqazǵandyq «Ulytaý» komandasyn jeńdi.

Astanalyq fýtbolshylar sońǵy eki týrda sátsiz oıyn kórsetti. Bireýinde teń tússe, bireýinde qarsylasyna ese jiberdi. Al jezqazǵandyq komanda qazirge deıin nebári eki kezdesýde teń nátıjege qanaǵat bildirse, qalǵanynda qarsylasynyń yǵyna jyǵyldy.

Birinshi kezeńde komandalar teń nátıjege qanaǵat bildirdi. Ekinshi kezeńde «Astana» sapynan Nazmı Grıpshı 72-mınýtta esep ashsa, 94-mınýtta Stanıslav Basmanov qorytyndy esepti belgiledi.

Osylaısha elordalyq klýb qarsylasynan 2:0 esebimen basym túsip, týrnır kestesindegi jaǵdaıyn jaqsarta tústi.

Dál qazir atalǵan týrdaǵy «Jeńis» (Astana) pen «Qyzyljar» (Petropavl), «Qaısar» (Qyzylorda) men «Turan» (Túrkistan) kezdesýleri ótip jatyr. Ázirge esep — 0:0.
Sondaı-aq odan keıin «Elimaı» (Semeı) men «Qaırat» (Almaty) komandalary sheberlik baıqasady.

Al «Tobyl» (Qostanaı) men «Ordabasy» (Shymkent) kezdesýi keıinge shegerildi.

Al 17 mamyrda kókshetaýlyq «Oqjetpes» óz alańynda «Aqtóbege» 1:3 esebimen ese jiberse, «Atyraý» men «Jetisý» (Taldyqorǵan) 1:1 esebine qanaǵat bildirdi.