QPL: «Astana» syrt alańda «Tobylǵa» ese jiberdi
ASTANA. KAZINFORM — Búgin fýtboldan Qazaqstan Premer-lıgasy HHVІ týryndaǵy elordalyq «Astana» syrt alańda Qostanaıdyń «Tobylyna» ese jiberdi.
Bıylǵy maýsymdy úzdik úshtikte túıindeýge tyrysqan elordalyq komanda árbir kezdesýde úsh upaı oljalaýǵa umtylyp keledi. Soǵan qaramastan búgin olar qostanaılyq klýbtan jeńilistiń aşy dámin tatty.
Kezdesý barysynda qostanaılyq klýbtan 28-mınýtta Mohamed Amın Talal esep ashsa, 52-mınýtta astanalyq komandadan Karlo Bartolets tarazy basyn teńestirdi.
Oıynnyń 61-mınýtynda «Tobyl» sapynan Vıtalıı Lısakovıch soqqan gol kezdesý núktesin qoıdy.
Osylaısha, «Astana» qarsylasyna 1:2 esebimen ese jiberip, týrnır kestesindegi jaǵdaıyn birshama qıyndatyp aldy.
Sondaı-aq Elimaı» (Semeı) óz alańynda «Aqtóbege» 1:3 esebimen ese jiberse, Petropavldyń «Qyzyljary» syrt alańda Pavlodardyń «Ertisin» 2:0 esebimen qapy qaldyrdy.
Dál qazir «Qaırat» (Almaty) — «Jetisý» (Taldyqorǵan), «Jeńis» (Astana) — «Atyraý»kezdesýi ótip jatyr.
Al 11 qazan 15:00–de «Ulytaý» (Jezqazǵan) — «Oqjetpes» (Kókshetaý), 16:00–de «Kaspıı» (Aqtaý) — «Altaı» (Óskemen), 19:00–de «Qaısar» (Qyzylorda) — «Ordabasy» (Shymkent) oınaıdy.
Fýtboldan Qazaqstan chempıonatynyń sońǵy týry 31 qazan kúni ótkiziledi.
