QPL: «Astana» syrt alańda «Ordabasyǵa» ese jiberdi

ASTANA. KAZINFORM — Fýtboldan Premer-lıga komandalary arasyndaǵy el birinshiliginiń 16-týrynda elordalyq «Astana» syrt alańda Shymkenttiń «Ordabasy» klýbyna ese jiberdi.

Týrnır kestesinde kósh basynda kele jatqan «Astana» jeti týr boıy jeńilistiń aşy dámin tatqan joq. Sol jeńisti jolyn búgin de jalǵastyrýǵa tyrysty. Esesine shymkenttik klýb tórt kezdesýde qatarynan jeńistiń kiltin taba almaı keledi. 

Kezdesý barysynda komandalar tartysty oıyn ótkizdi. Nátıjesinde birinshi kezeńde tablodaǵy esepke ózgeris engen joq. Oıynnyń 67-mınýtynda «Ordabasy» sapynan Zıkrıllo Sýltanııazov qyzyl qaǵazben alańnan qýyldy. Soǵan qaramastan alań ıeleri sapynan

Everton Moraes 85-mınýtta gol soǵyp, óz komandasyna jeńis syılady.

Osylaısha shymkenttik komanda qarsylasynan 1:0 esebimen basym tústi. 
Sondaı-aq búgin Qostanaıdyń «Tobyly» kókshetaýlyq «Oqjetpesti» 2:1, elordalyq «Jeńis» Taldyqorǵannyń «Jetisýyn» 3:1 esebimen jeńdi.

Aıta ketsek, 12 shildede Túrkistannyń «Turany» Petropavldyń «Qyzyljaryna» 1:2 esebimen ese jiberse, jezqazǵandyq «Ulytaý» men Semeıdiń «Elimaıy» 1:1 esebine qanaǵat bildirdi.

Bul týrdaǵy aldyn ala ótkizilgen oıyndarda 16 sáýirde almatylyq «Qaırat» «Atyraýdy» 4:0 esebimen jeńse, 14 mamyrda qyzylordalyq «Qaısar» «Aqtóbege» 1:2 esebimen ese jiberdi.