QPL: «Astana» syrt alańda «Ertisten» basym tústi
ASTANA. KAZINFORM - Búgin fýtboldan Qazaqstan Premer-lıgasynyń keıinge qaldyrylǵang HVІІІ týryndaǵy «Ertis» (Pavlodar) - «Astana» kezdesýiniń nátıjesi belgili boldy.
Týrnır kestesinde eki komandanyń da alǵa qoıǵan maqsaty bar. Pavlodarlyq klýb Premer-lıgadaǵy ornyn saqtap qalý úshin kúsh salyp jatsa, astanalyq ujym úzdik úshtikten kórinýge kóńil bólip otyr.
Kezdesý barysynda qarsylastar bir-biriniń qaqpasyna jyldam gol soǵýǵa tyrysqan edi. Soǵan qaramastan birinshi kezeńde esep ashylǵan joq.
Oıynnyń 50-mınýtynda «Ertis» qaqpasyna belgilengen penaltıden elordalyq komandadan Baýyrjan Islamhan múlt ketken joq.
Osylaısha «Astana» qarsylasynan 1:0 esebimen basym túsip, týrnır kestesindegi jaǵdaıyn jaqsarta tústi.
Endi búgin, 14 qazanda Qazaqstan ýaqytymen 19:00-de keıinge qaldyrylǵan HІV týrda «Atyraý» - «Elimaı» (Semeı) kezdesý bastalady.
Sondaı-aq endi keıinge qaldyrylǵan HHІІІ týr oıyndary 17 jáne 18 qazan kúnderi ótkiziledi. Aldymen 17 qazanda «Oqjetpes» (Kókshetaý) - «Qyzyljar» (Petropavl), «Jetisý» (Taldyqorǵan) - «Qaısar» (Qyzylorda), «Tobyl» (Qostanaı) - «Jeńis» (Astana), «Aqtóbe» - «Ordabasy» (Shymkent) kezdesedi. Odan keıin 18 qazanda «Altaı» (Óskemen) - «Atyraý», «Elimaı» (Semeı) - «Ulytaý» (Jezqazǵan), «Astana» - «Kaspıı» (Aqtaý) komandalary oınaıdy.
Aıta ketsek, budan buryn «Astana» syrt alańda «Tobylǵa» ese jiberdi.
