QPL: «Astana» syrt alańda «Altaımen» teń tústi
ASTANA. KAZINFORM - Qazaqstan Premer-lıgasynda HІІ týrynda elordalyq «Astana» syrt alańda Óskemenniń «Altaıymen» teń tústi.
Kezdesý barysynda elordalyq klýbtan Ramazan Kárimov esep ashqan edi. Oǵan 67-mınýtta «Altaı» sapynan Dmıtrıı Shmıdt bir golmen jaýap qaıyrdy.
Osylaısha komandalar 1:1 esebine qanaǵat bildirdi.
Bul oıynnan keıin «Astana» 19 upaımen tórtinshi orynǵa turaqtasa, «Altaı» 9 upaımen on úshinshi orynǵa taban tiredi.
Dál qazir 18:00-de «Ertis» (Pavlodar) - «Ulytaý» (Jezqazǵan) kezdesýi ótip jatyr.
Al 28 mamyrda 15:00-de «Oqjetpes» (Kókshetaý) - «Aqtóbe»,
16:00-de «Qyzyljar» (Petropavl) - «Jetisý» (Taldyqorǵan), 18:00-de «Atyraý» - «Tobyl» (Qostanaı) oınaıdy.
Al 19:00-de «Jeńis» (Astana) - «Kaspıı» (Aqtaý), «Qaısar» (Qyzylorda) - «Elimaı» (Semeı) jasyl alańǵa shyqsa, bul týrdy 20:00-de «Ordabasy» (Shymkent) - «Qaırat» (Almaty) túıindeıdi.
