QPL: «Astana» syrt alańda «Aqtóbeni» jeńdi

ASTANA. KAZINFORM — Fýtboldan Premer-lıga komandalary arasyndaǵy el birinshiligi 13-týry máresine jetti.

Atalǵan týrdaǵy negizgi oıyn «Aqtóbe» men «Astana» arasynda ótti. Týrnır kestesinde qatar kele jatqan qos komanda jeńiske jetýge tyrysty. Tartysqa toly kezdesýde qarsylastar bir-biriniń qaqpasy mańynda jıi shabýyl uıymdastyrdy. 

Oıynnyń 84-mınýtynda Nazmı Grıpshı múltiksiz oryndaǵan penaltı «Astanaǵa» jeńis alyp keldi. 

Osylaısha elordalyq komanda qarsylasynan 1:0 esebimen basym túsip, týrnır kestesinde 33 upaımen jeke-dara kósh bastady.

Sondaı-aq taǵy bir oıynda «Qaısar» (Qyzylorda) men «Ulytaý» (Jezqazǵan) 1:1 esebine qanaǵat bildirdi.

Eske salsaq, qostanaılyq «Tobyl» Taldyqorǵannyń «Jetisýynan», semeılik «Elimaı» Túrkistannyń «Turanynan» 2:1 esebimen basym tústi.

Atalǵan týrda kókshetaýlyq «Oqjetpes» Shymkenttiń «Ordabasy» komandasyna 0:1 esebimen jeńilip qalsa, almatylyq «Qaırat» Petropavldyń «Qyzyljaryn» 1:0, «Jeńis» «Atyraýdy» 2:0 esebimen jeńdi.

Endi aldaǵy týr oıyndary 28 jáne 29 maýsym kúnderi ótkiziledi.