QPL: «Astana» segizinshi jeńisine qol jetkizdi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń segizinshi týr oıyndary máresine jetti, dep habarlaıdy QazAqparat tilshisi.
Elordalyq «Astana» Shymkentte «Atyraý» komandasyn 3:0 esebimen tize búktirdi. Bul oıynda Marın Tomasov, Serikjan Mýjıkov jáne Sergeı Hıjnıchenko mergendik tanytty.
Qostanaıda «Tobyl» men Shymkenttiń «Ordabasy» komandalary 1:1 esebimen teń tústi. «Tobyl» sapynan Azat Nurǵalıev kózge tússe, «Ordabasy» qatarynan Toqtar Jańǵylyshbaı tarazy basyn teńestirdi.
Qyzylordada jergilikti «Qaısar» Almatynyń «Qaıratynan» 2:1 esebimen basym tústi. Aldymen almatylyq Marton Eppel esep ashty. Degenmen odan keıin «Qaısar» oıynshylary Aleksandr Marochkın men Ashat Taǵybergen óz komandasyna jeńis syılady.
Al syrt alańda Kókshetaýdyń «Oqjetpesi» «Tarazdy» 6:2, Taldyqorǵannyń «Jetisýy» Pavlodardyń «Ertisin» 3:0, óz alańynda «Shahter» «Aqtóbeni» 3:0 esebimen jeńdi.
Toǵyzynshy týr oıyndary 5 mamyr kúni oınalady. Bul kúni «Aqtóbe» men «Qaısar», «Astana» men «Ertis», «Jetisý» men «Taraz», «Qaırat» pen «Tobyl», «Oqjetpes» pen «Shahter», «Ordabasy» men «Atyraý» komandalary kezdesedi.
