QPL: «Astana» sáttilik serııasyn jalǵastyrdy
ASTANA. KAZINFORM - Búgin fýtboldan Qazaqstan Premer-lıgasynyń HHІV týry ekinshi oıyn kúni máresine jetti.
Bul kúngi taǵy eki kezdesýde Pavlodardyń «Ertisi» óz alańynda «Aqtóbeni» qabyldasa, «Atyraý» - «Astana» jasyl alańǵa shyqty.
Aldymen «Ertis» - «Aqtóbe» komandalary sheberlik baıqasty. Kezdesý barysynda aqtóbelik klýbtan Artýr Shýshenachev esep ashsa, oǵan pavlodarlyq klýbtan Kalıl Leo 50, Ramazan Kárimov 54-mınýtta eki golmen jaýap qaıyrdy.
Osylaısha «Ertis» qarsylasyn 2:1 esebimen jeńip, týrnır kestesinde 20 upaımen 13-orynǵa kóterildi.
Taǵy bir oıynda «Astana» syrt alańda «Atyraý» komandasynan 3:2 esebimen basym túsip, sáttilik serııasyn jalǵastyrdy.
Kezdesý barysynda elordalyq klýbtan Baýyrjan Islamhan 13, Stanıslav Basmanov 42, Marın Tomasov 66- mınýtta mergendia tanytsa, atyraýlyq klýbtan Dorde Pantelıch 47, Enrıke Denes 95-mınýtta eki gol soqty.
Bul týrdy 31 tamyzda «Elimaı» (Semeı) - «Qaırat» (Almaty) komandalary túıindeıdi.
Aıta ketsek, 30 tamyzdaǵy taǵy bir oıynda aqtaýlyq «Kaspıı» óz alańynda Qostanaıdyń «Tobylyn» 1:0 esebimen jeńdi.
Aıta ketsek, 29 tamyzda atalǵan týrdyń tórt oıyny ótti. «Ulytaý» (Jezqazǵan) óz alańynda «Jetisý» (Taldyqorǵan) komandasyn 3:0 esebimen jeńse, elordalyq «Jeńis» (Astana) komandasy «Altaıdan» (Óskemen) mınımaldy eseppen (1:0) basym tústi. Al qyzylordalyq «Qaısar» komandasy «Oqjetpeske» (Kókshetaý) 2:3 esebimen ese jiberdi. Chempıondyqqa basty úmitkerlerdiń biri shymkenttik «Ordabasy» Qajymuqan Muńaıtpasov atyndaǵy stadıonda, jergilikti jankúıerleriniń aldynda «Qyzyljar» qaqpasyna jaýapsyz 3 gol soqty.
