QPL: «Astana» óz alańynda «Turandy» iri eseppen jeńdi

ASTANA. KAZINFORM - Fýtboldan Premer-lıga komandalary arasyndaǵy el birinshiliginiń 17-týry bastaldy.

Bul týrdaǵy alǵashqy oıynda elordalyq «Astana» óz alańynda túrkistandyq «Turandy» qabyldady.

Astanalyq fýtbolshylar bıylǵy birinshilikti sátti ótkizip keledi. Nátıjesinde týrnır kestesinde birinshi orynda keledi. Esesine túrkistandyq klýb sońǵy segiz týrda jeńilistiń aşy dámin tatyp, týrnır kestesindegi jaǵdaıyn birshama qıyndatyp aldy.

Búgingi kezdesýde elordalyq komanda oıyn tizginin óz qolynda ustady. Olardyń qatarynan Nuraly Jaqsylyq 9, 42, Ýsman Kamara 16, Nazmı Grıpshı 19-mınýtta gol soqsa, odan keıin Chınedý Djeffrı 81, Marın Tomasov 86, Ramazan Kárimov 92-mınýtta mergendik tanytty.

Osylaısha «Astana» qarsylasynan 7:0 esebimen basym túsip, týrnır kestesinde jaǵdaıyn jaqsartyp aldy.

Endi atalǵan týrda 19 shildege úsh kezdesý belgilengen. Saǵat 18:00-de «Elimaı» (Semeı) men «Jeńis» (Astana), «Qaırat» (Almaty) pen «Qaısar» (Qyzylorda), 20:00-de «Oqjetpes» (Kókshetaý) pen «Ulytaý» (Jezqazǵan) jasyl alańǵa shyǵady.

Sondaı-aq 20 shildede 18:00-de «Qyzyljar» (Petropavl) men «Atyraý», 20:00-de «Aqtóbe» men «Tobyl» (Qostanaı), «Jetisý» (Taldyqorǵan) men «Ordabasy» (Shymkent) oınaıdy.