QPL: «Astana» óz alańynda «Qyzyljarmen» teń tústi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń 14-týry máresine jetti.

Bul týrda elordalyq «Astana» óz alańynda Petropavldyń «Qyzyljaryn» qabyldady. 
Kezdesý barysynda astanalyq fýtbolshylar oıyndy senimdi bastaǵan edi. Nátıjesinde «Qyzyljar» fýtbolshysy Aleksandr Noıok 7-mınýtta óziniń qaqpasyna gol soǵyp aldy. Odan petropavldyq klýbtan Evgenıı Gorshýnov tarazy basyn teńestirdi.

Ekinshi kezeńdi elordalyq oıynshylar belsendi bastady. Aldymen 51-mınýtta Nazmı Grıpshı mergendik tanytsa, 53-mınýtta Ýsman Kamara basymdyqty arttyrdy. 

Oıyn sońyna taman «Qyzyljar» fýtbolshylary belsendi qımyl kórsetti. Qatarynan eki gol soǵyp, tarazy basyn teńestirip ketti. Bul goldardy Sabıno Dos Santos Rafael 74, Senın Sebaı 79-mınýtta óziniń enshisine jazdy. Komandalar 3:3 esebine qanaǵat bildirdi.

Al almatylyq «Qaırat» syrt alańda Shymkenttiń «Ordabasy» klýbyn 1:0 esebimen jeńse, qyzylordalyq «Qaısar» Semeıdiń «Elimaıyna» 1:2 esebimen ese jiberdi.

Sondaı-aq «Tobyl» (Qostanaı) men «Jeńis» (Astana) 2:2 esebimen teń tússe, «Aqtóbe» syrt alańda túrkistandyq «Turandy» 3:0 esebimen tize búktirdi.

Atalǵan týrda keshe, 28 maýsymda «Atyraý» men «Oqjetpes» (Kókshetaý) 0:0 esebimen teń tússe, jezqazǵandyq «Ulytaý» Taldyqorǵannyń «Jetisýyna» 1:2 esebimen ese jiberdi.