QPL: «Astana» óz alańynda «Qaısardan» basym túse ala ma

ASTANA. KAZINFORM - Búgin Qazaqstan Premer-lıgasynyń keıinge qaldyrylǵan 19-týrynda «Astana» men «Qaısar» kezdesedi. 

Atalǵan oıyn aldymen 3 tamyzǵa josparlanǵan edi. Degenmen sol ýaqytta kezdesýdiń ótetin kúniniń ózgerýine elordalyq klýbtyń UEFA Konferentsııa lıgasynda synǵa túsýi sebep boldy.

Degenmen olar jarysty úshinshi irikteý kezeńinde Shveıtsarııanyń «Lozanna» komandasynan (0:2, 1:3) jeńilip, eýrododadaǵy joryǵyn aıaqtady.

Kezdesý búgin, 28 tamyzda qazaqstandyq ýaqytpen saǵat 20:0-de bastalady.

Qazir el birinshiliginde «Astana» 20 oıynnan keıin 43 upaımen ekinshi orynda keledi. Kósh basynda «Tobyl» 44 upaımen tursa, úzdik úshtiktegi «Qaırattyń» 43 upaıy bar.

Al «Qaısar» 20 oıynnan keıin 19 upaımen on birinshi orynda tur.

Eske salsaq, Chempıondar lıgasynda «Aqtóbe» áıelder klýby «Romaǵa» ese jibergenin jazǵan edik.