QPL: «Astana» óz alańynda «Altaıdan» basym tústi
ASTANA. KAZINFORM — Fýtboldan Qazaqstan Premer-lıgasy HІH týrynda elordalyq «Astana» óz alańynda «Altaı» komandasynan basym tústi.
Kezdesý barysynda elordalyq klýbtan Baýyrjan Islamhan 8-mınýtta esep ashsa, oǵan 12-mınýtta óskemendik klýbtan Ibragım Dadaev bir golmen jaýap qaıyrdy.
Odan keıin elordalyq klýbtan Marıon Tomasov 34, Ramazan Kárimov 60, Stanıslav Basmanov 62-mınýtta úsh gol soǵyp ketti.
Nátıjesinde «Astana» qarsylasyn 4:1 esebimen jeńdi.
Aıta ketsek, buǵan deıin qostanaılyq «Tobyl» óz alańynda «Atyraýdy» 1:0 esebimen jeńdi.
Aıta ketsek, bul týrda 25 shildede jezqazǵandyq «Ulytaý» óz alańynda Pavlodardyń «Ertisine», taldyqorǵandyq «Jetisý» Petropavldyń «Qyzyljaryna» 1:2 esebimen ese jiberse, dál sondaı eseppen «Aqtóbe» óz alańynda Kókshetaýdyń «Oqjetpesin» qapy qaldyrdy.
Dál qazir «Astana» — «Altaı» (Óskemen), «Elimaı» (Semeı) — «Qaısar» (Qyzylorda), «Qaırat» (Almaty) — «Ordabasy» (Shymkent) kezdesýi ótip jatyr.
Bul týrdy «Kaspıı» (Aqtaý) — «Jeńis» (Astana) kezdesýi túıindeıdi.
