QPL: «Astana» - «Ordabasy» kezdesýinde jeńimpaz anyqtalǵan joq
ASTANA. KAZINFORM — Búgin Qazaqstan Premer-lıgasynda besinshi týrynda alǵashqy oıyn kúnin «Astana» — «Ordabasy» (Shymkent) komandalary túıindedi.
Bıyl elordalyq klýb sapynan kóptegen tájirıbeli fýtbolshylar qosh aıtysty. Sondyqtan olar birinshiliń barysynda joǵary nátıjege qol jetkize almaı keledi.
Kezdesý barysynda komandalar alǵashqy mınýttan shabýylǵa kóbirek kóńil bóldi. Soǵan qaramastan birinshi kezeńde tablodaǵy esepke ózgeris engen joq.
Oıynnyń 77-mınýtynda «Ordabasy» sapynan Jasulan Ámir kózdegen nysanadan múlt ketken joq. Oǵan 94-mınýtta elordalyq klýbtan ıAn Vorogovskıı golmen jaýap qaıyrdy.
Osylaısha komandalar 1:1 esebine qanaǵat bildirip tarasty.
Bul oıynnan keıin «Ordabasy» 9 upaımen úshinshi, «Astana» 8 upaımen besinshi orynǵa kóterildi.
Aıta ketsek, búgin «Atyraý» qyzylordalyq «Qaısardan» 2:0, Semeıdiń «Elimaıy» taldyqorǵandyq «Jetisýdy» 1:0 esebimen jeńse, «Tobyl» (Qostanaı) — «Qaırat» (Almaty) kezdesýi 1:1 esebimen aıaqtaldy.
Sondaı-aq 12 sáýirde «Oqjetpes» (Kókshetaý) — «Ertis» (Pavlodar), «Altaı» (Óskemen) — «Ulytaý» (Jezqazǵan), «Qyzyljar» (Petropavl) — «Jeńis» (Astana), «Aqtóbe» — «Kaspıı» (Aqtaý) oınaıdy.
Tórtinshi týrdan keıin «Qaırat» 10 upaımen kósh basynda kele jatsa, odan keıingi oryndardaǵy «Elimaı», «Ordabasy», «Oqjetpes» komandalarynyń segiz upaıy bar.
