QPL: «Astana» «Oqjetpestiń» osal tusyn taba ala ma

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń HHІV-týry bastalady.

Bul týr oıyndary 27, 28 qyrkúıek jáne 5 qazanǵa belgilengen. Aldymen 27 qyrkúıekte úsh kezdesý bolsa, 28 qyrkúıekte úsh, 5 qazanda bir oıyn ótkiziledi.

Búgin, 27 qyrkúıekte saǵat 15:00-de «Ulytaý» (Jezqazǵan) men «Atyraý», 17:00-de «Jeńis» (Astana) pen «Turan» (Túrkistan) oınaıdy. Al 19:00-de «Aqtóbe» men «Qyzyljar» (Petropavl) jasyl alańǵa shyǵady.

Al 28 qyrkúıekte 15:00-de «Oqjetpes» (Kókshetaý) pen «Astana», 17:00-de «Elimaı» (Semeı) men «Ordabasy» (Shymkent), «Tobyl» (Qostanaı) men «Qaısar» (Qyzylorda) sheberlik baıqasady.

Sondaı-aq 5 qazanda 16:00-de «Qaırat» (Almaty) pen «Jetisý» (Taldyqorǵan) oınaıdy.

Aıta ketsek, qazir kósh basynda 52 upaımen «Qaırat» keledi. Odan keıingi oryndardaǵy «Astananyń» 50, «Tobyldyń» 47 upaıy bar.

Surmergender kóshinde Nazmı Grıpshı («Astana») 13 golmen kósh bastap tursa, odan keıingi oryndarda Dastan Sátpaev («Qaırat») pen Marın Tomasov («Astana») 11 golmen keledi.

Eske salsaq, budan buryn fýtboldan Qazaqstan ulttyq quramasynyń 2026 jylǵy álem chempıonatynyń irikteý kezeńi aıasyndaǵy aldaǵy eki kezdesýine qatysatyn oıynshylar tizimi belgili boldy.