QPL: «Astana» men «Turan» teń nátıjege qanaǵat bildirdi

ASTANA. KAZINFORM — Búgin fýtboldan Premer-lıga komandalary arasyndaǵy Qazaqstan chempıonatynyń besinshi týrynda elordalyq «Astana» syrt alańda túrkistandyq «Turanmen» teń oınady.

Elordalyq «Astana» bıyl bas júldege qol sozýdy qalaıdy. Sondyqtan árbir kezdesýde jınaqy qımyl kórsetip, úsh upaı oljalaýdy aldyna maqsat etip otyr. 

Búgingi kezdesýde de elordalyq komanda alǵashqy bolyp esep ashty. Oıynnyń 30-mınýtynda elordalyq klýbtyń horvatııalyq shabýylshysy Marın Tomasov mergendik tanytty. Osylaısha 37-jastaǵy fýtbolshy óziniń bıylǵy maýsymdaǵy altynshy golyn soqty.

Oǵan «Turan» sapynan Hýrshıdbek Mýhtorov 84-mınýtta bir golmen jaýap berdi.
Kezdesý barysynda komandalar 1:1 esebine qanaǵat bildirdi.

Búgin qyzylordalyq «Qaısar» men almatylyq «Qaırat» 0:0 esebimen teń oınady. 
Besinshi týrdy «Jeńis» (Astana) pen «Elimaı» (Semeı) komandalary túıindeıdi.

Al 19 sáýirde «Ulytaý» «Oqjetpeske» 0:1, «Atyraý» «Qyzyljarǵa» 1:2 esebimen ese jiberse, «Tobyl» «Aqtóbeni» 3:0, «Ordabasy» «Jetisýdy» 1:0 esebimen tize búktirgen edi.