QPL: «Astana» men «Qaısar» kezdesýi 28 tamyzda ótkiziledi

ASTANA. KAZINFORM — Qazaqstan Premer-lıgasynyń 19-týryndaǵy «Astana» men «Qaısar» kezdesýi 28 tamyzda ótkiziledi. 

Bul jóninde fýtboldan Qazaqstan kásibı lıgasy málim etti.

Aldymen 3 tamyzǵa josparlanǵan oıyn endi 28 tamyzda saǵat 20:00–de bastalady.

Bul kezdesýdiń ótetin kúniniń ózgerýine elordalyq klýbtyń UEFA Konferentsııa lıgasynda synǵa túsýi sebep boldy. Degenmen olar jarysty úshinshi irikteý kezeńinde Shveıtsarııanyń «Lozanna» komandasynan (0:2, 1:3) jeńilip, eýrododadaǵy joryǵyn aıaqtady.

Odan buryn «Astana» ekinshi irikteý kezeńinde Moldovanyń «Zımbrý» komandasyn (1:1, 2:0) qapy qaldyryp, úshinshi irikteý kezeńine joldama alǵan edi.

Qazir el birinshiliginde «Astana» 19 oıynnan keıin 43 upaımen kósh bastap keledi. Odan keıingi oryndarda «Qaırat» 43, «Tobyl» 41 upaı jınaǵan.

Al «Qaısar» 20 oıynnan keıin 18 upaımen on birinshi orynda tur.

Endi 22-týr oıyndary 23 jáne 24 tamyz kúnderi ótkiziledi.

Eske salsaq, budan buryn Birinshi lıgada «Ertis» fýtbol komandasy birinshi orynǵa kóterildi.