QPL: «Astana» men «Qaısar» bir-biriniń qaqpasyna gol soǵa almady
ASTANA. KAZINFORM - Búgin fýtboldan Qazaqstan Premer-lıgasynyń HHІV týryn «Astana» - «Qaısar» (Qyzylorda) komandalary túıindedi.
Elordalyq «Astana» qola júldege qol jetkizýge jaqyn tur. Qyzylordalyq klýbtyń Birinshi lıgaǵa túsip qalý qaýpi joǵary. Oıyn barysy qalaı órbıtini belgisiz boldy.
Bul oıyn aldynda qyzylordalyq komanda bas bapker qyzmetine qazaqstandyq tájirıbeli maman Talǵat Baısýfınovti taǵaıyndaǵan edi. Bilikti maman komandanyń senimdi oınaýyna septigin tıgizdi.
Kezdesý barysynda elordalyq klýb tizgindi óz qolynda ustaýǵa tyrysty. Nátıjesinde olar shabýylǵa kóbirek kóńil bólip, gol soǵatyn múmkindik izdedi. Soǵan qaramastan tablodaǵy esep ózgerissiz qaldy.
Osylaısha komandalar 0:0 esebimen teń tústi.
Aıta ketsek, budan buryn «Altaı» (Óskemen) - «Elimaı» (Semeı), «Aqtóbe» - «Qaırat» (Almaty) 2:2 esebine qanaǵat bildirse, pavlodarlyq «Ertis» «Atyraýdy» 3:2 esebimen jeńdi.
Eske salsaq, alǵashqy oıyn kúni, 24 qazanda petropavldyq «Qyzyljar» Jezqazǵannyń «Ulytaýyn» 1:0, Kókshetaýdyń «Oqjetpesi» Aqtaýdyń «Kaspııin» 3:0 esebimen qapy qaldyrsa, «Jetisý» (Taldyqorǵan) - «Tobyl» (Qostanaı), «Ordabasy» (Shymkent) - «Jeńis» (Astana) 1:1 esebine qanaǵat bildirdi.
