QPL: «Astana» men «Qaırat» upaı joǵaltty
ASTANA. QazAqparat - Búgin elimizdiń alty qalasynda fýtboldan el birinshiliginiń 26-týr oıyndary bolyp ótti, dep habarlaıdy QazAqparat tilshisi.
Elordada «Astana» Qyzylordanyń «Qaısaryn» qabyldady. Bul oıynda esep ashylǵan joq. Eýropa lıgasy toptyq kezeńindegi Ýkraınanyń Kıev qalasynyń «Dınamo» komandasymen kezdesýdiń aldynda osylaısha el birinshiliginde «Astana» eki upaı joǵaltyp aldy. Esterińizge sala ketelik, 20 qyrkúıekte olar syrt alańda ýkraınalyq atalmysh klýbqa qarsy oıyn ótkizedi.
«Astananyń» bul eki upaı joǵaltýyn ony ókshelep qýyp kele jatqan Almatynyń «Qaıraty» óz paıdasyna jarata alǵan joq. Olar óz alańynda Oraldyń «Aqjaıyǵynan» 0:1 esebimen jeńilip qaldy. Jalǵyz goldy «Aqjaıyq» oıynshysy Erkebulan Nurǵalıev 76-mınýtta óziniń enshisine jazdy.
Osy týrda Qaraǵandynyń «Shahteri» óz alańynda «Atyraý» komandasyn 2:1 esebimen súrindirdi. Bul oıynda alań ıeleri sapynan Sergeı Shaff pen Damır Koıashevıch, «Atyraýdan» ıÝre Obshıvats gol soqty.
Al «Ertis» 12 oıyn qatarynan jeńiske jete almaı keledi. Búgin olar óz alańynda Petropavldyń «Qyzyljar» komandasynan 0:1 esebimen jol berdi. Kezdesý taǵdyryn sheshken jalǵyz goldy «Qyzyljar» sapynan Tımýr Mýldınov soqty.
Qazir Shymkent qalasynda jergilikti «Ordabasy» men «Aqtóbe» komandalary arasyndaǵy kezdesý 0:0 esebimen aıaqtaldy.
Kelesi týr oıyndary 22 qyrkúıekte ótkiziledi. Ol kúni «Aqjaıyq» pen «Astana», «Aqtóbe» men «Tobyl», «Atyraý» men «Qyzyljar», «Jetisý» men «Qaırat», «Qaısar» men «Shahter», «Ordabasy» men «Ertis» komandalary kezdesedi.
