QPL: «Astana» men «Elimaı» 3:3 esebimen teń oınady

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń HHІІІ-týrynyń ekinshi oıyn kúnindegi taǵy bir oıynnyń nátıjesi belgili boldy. 

Bul kúni elordalyq «Astana» men «Elimaı» (Semeı) sheberlik baıqasty.

Oıyn barysynda astanalyq fýtbolshylar jyldam gol soǵýǵa tyrysty. Nátıjesinde birinshi kezeńde olardyń qatarynan Nazmı Grıpshı 14-mınýtta esep ashsa, odan keıin Aleks Amanovıch 27-mınýtta basymdyqty arttyrdy.

Al «Elimaı» sapynan rolon Kevın 32, Ǵalymjan Kenjebek 57-mınýtta qos gol soǵyp, tarazy basyn teńestirdi.

Oıynnyń 61-mınýtta Nazmı Grıpshı taǵy bir márte kózge túsip, el birinshiliginde 16 gol soǵyp úlgerdi. Odan keıin «Elimaı» sapynan Ivan Svırıdov 64-mınýtta qorytyndy esepti belgiledi.
Komandalar 3:3 esebine qanaǵat bildirip tarasty.

14 qyrkúıekte almatylyq «Qaırat» óz alańynda «Aqtóbeni» 1:0 esebimen jeńdi.

Aıta ketsek, 13 qyrkúıekte «Turan» (Túrkistan) men «Ulytaý» (Jezqazǵan) 1:1 esebine qanaǵat bildirse, «Atyraý» óz alańynda qostanaılyq «Tobyldy» 1:0, petropavldyq «Qyzyljar» Kókshetaýdyń «Oqjetpesin» 3:1, shymkenttik «Ordabasy» astanalyq «Jeńisti» 2:1 esebimen qapy qaldyrdy.

Endi atalǵan týrda 16 qyrkúıekte «Jetisý» (Taldyqorǵan) men «Qaısar» (Qyzylorda) oınaıdy.