QPL: «Astana» komandasy «Qaırattan» jeńilip qaldy

Budan buryn atalmysh týrdaǵy eki oıynnyń nátıjesi týraly habarlaǵan edik. «Oqjetpes» komandasy «Atyraý» komandasynan 3:0 esebimen basym tússe, Taldyqorǵannyń «Jetisý» klýby óz alańynda Qostanaıdyń «Tobylyna» 0:1 esebimen jol berdi.

Shymkentte jergilikti «Ordabasy» men Qyzylordanyń «Qaısar» klýbtary arasyndaǵy kezdesýdiń birinshi kezeńi aıaqtaldy. Oıynnyń 37-mınýtynda Kýle Mvomba esep ashsa, 40 mınýtta shymkenttik Toqtar Jańǵylyshbaı tarazy basyn teńestirdi. Qorytyndy esep 96-mınýtta belgilendi. Sol qanattan áýelete berilgen dopty «Qaısardyń» jas shabýylshysy Órken Mahan baspen qaqpaǵa soǵyp ketti. Osylaısha «Qaısar» syrt alańda «Ordabasyny» 2:1 esebimen jeńip ketti. Aıta keterligi, sońǵy alty kezdesýden beri «Ordabasy» «Qaısardy» jeńe almaı keledi.

Qaraǵandyda «Shahter» klýby men «Taraz» arasyndaǵy kezdesýdiń de birinshi kezeńi aıaqtaldy. Bul kezdesýde alań ıeleri sapynan Oralhan Ómirtaev 15-mınýtta esep ashty. Kezdesýde «Shahter» 1:0 esebimen basym tústi.

Elordalyq «Astana» men Almatynyń «Qaırat» komandalary arasyndaǵy kezdesý Pavlodar qalasynda ótkizildi. Bul kezdesýde almatylyqtar 2:0 esebimen basym tústi. Olardyń sapynan 68-mınýtta Rade Dýgalıch, 71-mınýtta Aıbol Ábiken gol soǵyp ketti. Aıta keterligi, alǵashqy aınalymda «Astana» Almatyda «Qaıratty» 1:0 esebimen jeńip ketken bolatyn.

Taǵy bir kezdesý Aqtóbe qalasynda ótkizildi. Jergilikti «Aqtóbe» Pavlodardyń «Ertis» klýbyn qabyldady. Pavlodarlyq klýb sapynan 11-mınýtta Tımýr Mýldınov esep ashsa, alań ıeleri sapynan 68-mınýtta Aslanbek Kákimov, 83-mınýtta Vıtalıı Volkov jaýap qaıyrdy. Nátıjesinde aqtóbelikter 2:1 esebimen jeńske jetti.

Al 17-týr oıyndary 5 jáne 6 shilde kúnderi kúnderi ótkiziledi. 5 shildede «Tobyl» men «Astana», «Qaırat» pen «Ordabasy», 6 shildede «Taraz» ben «Aqtóbe», «Qaısar» men «Shahter», «Ertis» pen «Oqjetpes», «Atyraý» men «Jetisý» komandalary kezdesedi.