QPL: «Astana» komandasy alda

Bul týrdaǵy basty kezdesý elordada «Astana» men Qostanaıdyń «Tobyl» komandalary arasynda ótti. Eki komanda týrnır kestesinde alǵashqy oryndardy ózara bólisip turǵany belgili. Búgingi oıynda qostanaılyq komanda 8-mınýtta esep ashty. Bul sátte Nıkıta Bocharov mergendik tanytty. Oǵan 59-mınýtta «Astana» oıynshysy Marın Anıchıch bir golmen jaýap qaıyrdy. Oıyn sońyna taman «Astana» shabýylshysy Roman Mýrtazaev jeńis golyn soqty. Esep 2:1. Osylaısha «Tobyl» bıylǵy dop dodasynda alǵash ret jeńildi. «Astana» týrnır kestesinde «Tobyl» men «Qaırattan» alty upaıǵa uzap ketti.

Osy týrda jankúıerler Shymkentte jergilikti «Ordabasy» men Almatynyń «Qaırat» komandalary arasyndaǵy kezdesýge de kóz tikti. Atalmysh klýbtar týrnır kestesinde úshinshi jáne tórtinshi orynda qatar tur. Degenmen bul kezdesý 0:0 esebimen teń aıaqtaldy.

Dál osyndaı esep Taldyqorǵanda «Jetisý» men «Atyraý» komandalary arasynda tirkeldi. Kezdesýden keıin atyraýlyq klýbtyń bas bapkeri Vıktor Kýmykov qyzmetinen ketti. Sebebi, «Atyraý» toǵyz oıynnan keıin nebári bes upaı jınady. Týrnır kestesinde 11 orynda keledi.

Jetinshi týrdaǵy «Aqtóbe» jáne «Taraz» komandalary arasyndaǵy kezdesýde bes gol soǵyldy. Aldymen «Taraz» sapynan Serj Nıýadzı 20, Abzal Taýbaı gol soqsa, 50-mınýtta tarazdyq Jıan dos Santos Martıns óz qaqpasyna gol soǵyp aldy. Al aqtóbelik Abat Aıymbetov 63-mınýtta tarazy basyn teńestirdi. Degenmen 92-mınýtta «Taraz» sapynan Elgýdja Lobjanıdze jeńis golyn soǵyp ketti. Esep 3:2. Osylaısha tarazdyqtar qatarynan tórt jeńilisten keıin óz jankúıerlerin qýantty.

Esterińizge sala ketelik, budan jetinshi týrdaǵy eki oıynnyń nátıjesi týraly habarlaǵan edik. Syrt alańda «Qaısar» «Shahterden», óz alańynda «Oqjetpes» «Ertisten» 1:0 esebimen basym túsken edi.

Segizinshi týr oıyndary 1 mamyr kúnderi ótkiziledi. Bul kúni «Atyraý» men «Astana», «Ertis» pen «Jetisý», «Qaısar» men «Qaırat», «Taraz» ben «Oqjetpes», «Tobyl» men «Ordabasy», «Shahter» men «Aqtóbe» komandalary kezdesedi.