QPL: «Astana» qarsylasyna ese jiberip, «Ordabasy» úsh upaıǵa qol jetkizdi

ASTANA. KAZINFORM - Fýtboldan Qazaqstan Premer-lıgasynyń tórtinshi týrynda «Astana» qarsylasyna ese jiberse, «Ordabasy» úsh upaıǵa qol jetkizdi.

Elordalyq klýb búgin syrt alańda Qaraǵandynyń «Shahter» komandasymen kezdesti.

Bıyl qaraǵandylyq komanda úsh týrda birde-bir upaıǵa qol jetkize almaı, kósh sońynda kele jatqan edi. Tipti, qarsylastar qaqpasyna gol soǵa almady. Esesine tórtinshi týrda bas júldeden negizgi úmitker sanalatyn «Astanany» súrindirip, óz jankúıerlerin qýantty.

Kezdesý taǵdyryn 26-mınýtta Roher Kanıas soqqan jalǵyz gol sheshti. Elordalyq komanda odan keıin esepti teńestirýge umtylǵan edi. Degenmen tablodaǵy esep ózgerissiz qaldy.

Taǵy bir kezdesýde «Ordabasy» syrt alańda dál osyndaı eseppen Túrkistannyń «Turan» komandasynan basym tústi. Ony Djasýrbek ıAhshıboev 25-mınýtta óziniń enshisine jazdy.

Sondaı- aq, búgin «Aqtóbe» men «Atyraý» 1:1 esebine qanaǵat bildirdi.

Aıta ketsek, 6 sáýirde «Qaırat» pen «Jetisý» 0:0 esebine qanaǵat bildirse, «Qyzyljar» «Jeńisten» 4:0, «Elimaı» «Qaısardan» 1:0 esebimen basym tústi.