QPL: «Astana» fýtbolshylary ekinshi orynǵa kóterildi
ALMATY. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń tórtinshi týrynda elordalyq «Astana» Kókshetaýdyń «Oqjetpes» komandasymen kezdesti, dep habarlaıdy QazAqparat tilshisi.
Almaty qalasynda ótken oıynda «Astana» jankúıer kútken nátıjege qol jetkizip, qarsylas klýb qaqpasyna jaýapsyz eki gol soqty.
Birinshi kezeńniń sońǵy mınýtynda elordalyq fýtbolshy Rýnar Mar Sıgýronsson penaltıden esep ashty. Al 80-mınýtta shabýylshy Dıdar Jalmuqan qorytyndy esepti belgiledi.
Osylaısha, «Astana» 10 upaı jınap, týrnır kestesinde ekinshi orynǵa kóterildi. Kósh basynda 15 upaımen Almatynyń «Qaırat» komandasy tur.
Esterińizge sala ketelik, keshe, 21 tamyzda besinshi týrda eki oıyn ótkizildi. Shymkenttiń «Ordabasy» klýby Aqtaýdyń «Kaspııin» 1:0, Almatynyń «Qaıraty» Qostanaıdyń «Tobylyn» 3:1 esebimen jeńdi.
Búgin ótkiziletin taǵy eki oıynda «Qyzyljar» men «Shahter», «Qaısar» men «Jetisý» komandalary kezdesedi.
