QPL: «Astana» elordada «Ulytaýdy» iri eseppen jeńdi
ASTANA. KAZINFORM - Qazaqstan Premer-lıgasy HІ týryndaǵy eki oıynnyń nátıjesi belgili boldy.
Elordalyq «Astana» sońǵy úsh kezdesýdiń ekeýinde jeńilistiń aşy dámin tatty. Nátıjesinde týrnır kestesindegi jaǵdaıyn birshama qıyndatyp aldy. Olardyń búgingi qarsylasy - «Ulytaý» komandasy birinshilikti sátti bastap, aldyńǵy oryndardyń birine jaıǵasty.
Kezdesý barysynda astanalyq klýbtan Ramazan Kárimov 23-mınýtta esep ashsa, Stanıslav Basmanov 49-mınýtta óz múmkindigin múlt jibergen joq.
Oıynnyń 87-mınýtynda «Astana» sapynan Branımır Kalaıtsa qorytyndy esepti belgiledi.
Osylaısha qarsylasynan 3:0 esebimen basym túsken olar týrnır kestesinde 18 upaımen tórtinshi orynǵa kóterildi.
Sondaı-aq taǵy bir kezdesýde kókshetaýlyq «Oqjetpes» syrt alańda Óskemenniń «Altaıyn» 1:0 esebimen súrindirdi.
Dál qazir «Kaspıı» (Aqtaý) - «Ertis» (Pavlodar) kezdesýi ótip jatyr.
Al erteń, 23 mamyrda bes kezdesý ótkiziledi.
Oıyndar kestesi
16:00. «Jetisý» - «Atyraý»
17:00. «Elimaı» - «Jeńis»
18:00. «Qaırat» - «Qaısar»
19:00. «Aqtóbe» - «Qyzyljar»
20:00. «Tobyl - «Ordabasy».
Toǵyzynshy týrdan keıin «Qaırat» 25 upaımen kósh basynda tursa, odan keıingi oryndardaǵy «Ordabasy» men «Oqjetpestiń» 22 upaıy bar.
