QPL: «Astana» elordada «Qaırattan» basym tústi
ASTANA. KAZINFORM — Qazaqstan Premer-lıgasynda HHVІІ týrynyń alǵashqy oıyn kúni «Astana» — «Qaırat» (Almaty) kezdesýimen ashyldy.
Jylma-jyl bas júldege talasatyn qos komanda arasyndaǵy match jankúıerler arasynda erekshe qyzyǵýshylyq týǵyzady. Bıyl almatylyq klýb chempıondyq ataqqa qatarynan úshinshi márte qol sozýdy josparlap otyr. Dese de olar Shymkenttiń «Ordabasy» komandasymen talas júrgizip keledi.
Ótken týrda eki komanda da jeńilistiń aşy dámin tatty. «Qaırat» óz alańynda «Tobylǵa» 1:4 esebimen ese jiberse, «Astana» syrt alańda «Ordabasyǵa» 0:1 esebimen jeńildi.
Búgingi kezdesý barysynda qos komanda bapkerleri negizinen tájirıbeli fýtbolshylarǵa senim artty. Alaıda «Qaırat» sapynda negizgi qaqpashy Temirlan Anarbekovtiń ornyna bul joly Sherhan Qalmyrza shyqty.
Oıynnyń 10-mınýtynda almatylyq klýbtan jartylaı qorǵaýshy Ádilet Sadybekov qyzyl qaǵazben jazalanyp, kezdesýdi erte aıaqtaýǵa májbúr boldy. Arada tórt mınýttaı ótkende «Astana» sapynan Ramazan Kárimov kózdegen nysanadan múlt ketken joq.
Osylaısha «Astana» qarsylasynan 1:0 esebimen basym tústi.
Al «Qaırat» qatarynan ekinshi márte jeńilistiń aşy dámin tatty.
Dál qazir bul týrda «Tobyl» (Qostanaı) — «Elimaı» (Semeı), «Atyraý» — «Ordabasy» (Shymkent) kezdesýi ótip jatyr.
Sondaı-aq 18 qyrkúıekte 16:00–de «Oqjetpes» (Kókshetaý) — «Jeńis» (Astana), 17:00–de «Jetisý» (Taldyqorǵan) — «Kaspıı» (Aqtaý), «Altaı» (Óskemen) — «Ertis» (Pavlodar), 19:00–de «Qyzyljar» (Petropavl) — «Qaısar» (Qyzylorda), 20:00–de «Aqtóbe» — «Ulytaý» (Jezqazǵan) oınaıdy.
